Nangiyuswat manen iti ballistic missile ti North Korea paturong iti baybay iti daya a paset iti Korean Peninsula ita nga aldaw, sigun iti militar iti South Korea.
Nagtaud ti missile manipod iti Wonsan iti agsapa ken mapapati a bimmaba iti ruar iti exclusive economic zone iti Japan.
Nangingato iti lebel iti panagbantay ti South Korea ken nakikoordinar iti Estados Unidos ken Japan para iti posible a kanayunan a missile launch.
Naisayangkat ti panagpaputok sumagmamano nga aldaw sakbay ti naituding a joint military exercises iti South Korea ken Estados Unidos manipod Agosto 17 agingga 27.
Agtultuloy met a mangisaysayangkat ti North Korea iti missile ken weapons tests iti agdama a tawen, karaman ti short-range ballistic missiles ken tactical weapons.