BAGUIO CITY – Indeklara ti Environmental Management Bureau (EMB) – Cordillera a CARLESS DAY ti November 10 kas paset ti panakarambak ti Clean Air Month ita a tawen.
Sigun kenni EMB – Cordillera regional director Reynaldo Digamo, maideklara ti Carless Day iti amin nga opisina ti Department of Environment and Natural Resources (DENR) a masarakan iti siudad ti Baguio ken probinsia ti Benguet.
Kinunana nga iti nasao nga aldaw ket saan a mabalin a makastrek iti compound ti DENR dagiti amin a parapubliko ken pribado a lugan, malaksid laeng iti emerhensia.
Impalawagna a panggep ti aktibidad a makatulong iti panakakissay ti asok dagiti lugan.
Malaksid iti November 10 ket naideklara metlaeng a Carless Day iti DENR iti umuna a Huebes tunggal bulan.
Guyguyuguyen pay ni Digamo dagiti dadduma nga ahensia ti gobyerno ken dagiti lokal a gobyerno iti panangideklara met dagitoy iti bukodda a Carless Day.
Naamuan nga iti siudad ti Baguio ket maisingsingasing ti panakaideklara ti April 22 ken June 5 kas Carless Day bayat nga iti UP-Baguio ket naideklara a Carless Day ti tunggal aldaw ti Miyerkoles.
————– Filipino translation ———–
BAGUIO CITY- Idineklara ng Environmental Management Bureau (EMB) – Cordillera ang ‘Carless Day’ sa Nobyembre 10 kasabay ng selebrasyon ng Clean Air Month ngayong taon.
Ayon kay EMB – Cordillera Regional Director Reynaldo Digamo, naideklara ang Carless Day sa lahat ng opisina ng Department of Environment and Natural Resources na matatagpuan sa lungsod ng Baguio at sa lalawigan ng Benguet.
Aniya, sa nasabing araw ay hindi papayagan na makapasok ang lahat ng sasakyan sa compound ng DENR, pribado man o parapubliko maliban na lamang kung may emergency.
Sinabi niya na layunin ng ‘Carless day’ na mabawasan ang usok na dala ng mga sasakyan.
Maliban pa sa Nobyembre 10 ay idineklara din na ‘Carless Day’ sa DENR sa unang araw ng Huebes tuwing buwan.
Samantala, hinikayat naman ni Digamo ang iba pang ahensya ng pamahalaan at local government units na magdeklara ang mga ito ng sarili nilang ‘Carless Day’.
Napag-alamang una nang idineklara ng University of the Philippines- Baguio ang ‘Carless day’ ng mga ito tuwing Miyerkoles habang sa lungsod ng Baguio ay inihain naman ang pagdedeklara sa April 22 at June 5 na ‘Carless day.’
