BAGUIO CITY – Suspendido ti number coding scheme ditoy siudad ti Baguio mangrugi inton bigat, November 21, agingga inton November 24, aldaw ti Biyernes.
Maitunos daytoy iti resolusyon ti City Council para iti panakarambak ti maika-64 nga Annual National Mine Safety and Safety Conference Week ditoy siudad ti Baguio.
Ti nasao a suspensyon ti number coding ket maiyaplikar laeng kadagiti makipaset iti nasao nga aktibidad.
Manamnama nga adu manen nga stakeholders manipud iti mining industry ken maseknan nga industriya wenno sektor ti makipaset iti tinawen a national mining conference a mangrugi inton bigat.
Maiparang iti uppat nga aldaw a conference dagiti kasayaatan nga aramid iti adbokasiya para iti responsable a panakaminas dagiti mineral iti pagilian kagiddan ti panangipaay ti sektor iti kontribusyon iti nasustinir a panagdur-as ti Pilipinas.
Maiyusuat inton bigat ti malem dagiti aktibidad kas iti mining exhibit, student congress, sports fest, mineral industry symposium ken parada sakbay ti mine safety field demonstration and competition a pasetan dagiti amin a minero iti entero a pagilian.
Ti tema ti aktibidad ita a tawen ket “Responsible Mining … In The Hearts and Minds of Filipinos.”
—————– Filipino translation ————-
BAGUIO CITY – Suspendido ang number coding scheme sa lungsod ng Baguio simula bukas, November 21, hanggang November 24, araw ng Biyernes.
Ito ay upang mabigyang daan ang selebrasyon ng ika-64 na Annual National Mine Safety and Safety Conference Week sa lungsod ng Baguio.
Ang nasabing suspensyon ng number coding ay para lamang sa mga makikibahagi sa nasabing aktibidad.
Inaasahang maraming stakeholders mula sa mining industry at iba pang sektor ang makikibahagi sa taunang national mining conference na magsisimula na bukas.
Tampok sa apat na araw na conference ang magagandang adbokasiya para sa responsableng pagmimina sa mga mineral sa bansa kasabay ng pagbibigay ng sektor ng kontribusyon sa pag-unlad ng Pilipinas.
Ilulunsad bukas ng hapon ang mga aktibidad tulad ng mining exhibit, student congress, sports fest, mineral industry symposium at parada bago ang mine safety field demonstration and competition na lalahokan ng mga minero sa bansa.
Ang tema ng aktibidad ngayon taon ay “Responsible Mining … In The Hearts and Minds of Filipinos.”
