BAGUIO CITY – Nakemmeg ti numero uno a most wanted person iti probinsia ti Kalinga iti maikatlo a kwarter ti 2017.
Nabigbig daytoy a ni Leslie Alicog Pannogan alias ‘Tullangao’, 47-anyos, baro, minero ken residente ti Middle Balatoc, Pasil, Kalinga.
Nakemmeg daytoy sadiay Lower Uma, Lubuagan, Kalinga idi kalman babaen iti nagtipon a pwersa dagiti pulis iti panangidaulo ni Kalinga PNP Acting Provincial Director, P/Col. Russel Job Balaquit.
Ti panakakemmeg ni Pannogan ket resulta ti implementasyon ti Simultaneous Focused Crime Police Operation on the Risk Factors in the National and Local Midterm Election 2019.
Nakemmeg ni Pannogan iti bileg ti warrant of arrest nga impaulog ni Judge Marcelino Wacas ti RTC-Branch 25, 2nd Judicial Region, Bulanao, Tabuk City, Kalinga gapu iti kaso a pammapatay nga awanan ti piansa.
