--Ads--
BAGUIO CITY – impaay ti National Nutrition Council (NNC) ti Nutrition Honor Award (NHA) iti munisipyo ti Alfonso Lista sadiay probinsia ti Ifugao.
Sigun iti NNC, impaayda ti nasao a pammadayaw kas panangbigbigda iti naballigi nga implementasyon ken panakaimaton ti Municipal Nutrition Program ti Alfonso Lista iti napalabas nga innem a tawen.
Kinuna ti ahensia a makita ti napintas nga resulta iti nasustinir a panagsayaat ti nutritional status dagiti umili iti nasao a munisipyo.
Gapu iti daytoy, naipaayan ti Alfonso Lista iti P1-M a gatad ti checke kas insentibo dagitoy iti panagbalin a hall of famer iti tay-ak ti nutrisyon.
