Nangipaay ti Office of the Civil Defense-Cordillera Administrative Region (OCD-CAR) kadagiti non-food items iti Munisipyo ti Itogon kas suporta iti mannarimaan a disaster response operations ti nasao a munisipyo para kadagiti pamilya a naapektaran iti naglabas a bagyo ken habagat.
Malaksid kadagiti non-food items, nangipaay metlaeng ti nasao nga ahensya iti fuel assistance para iti operasyon ti munisipyo para kadagiti response vehicles a nakadeploy iti ground monitoring, emergency response, ken dadduma nga operasyon.
Naipaay ti nasao nga assistance kasaruno iti kiddaw ti Municipality of Itogon a mapapigsa ti disaster response daytoy.
Ti panangipaay kadagiti nasao nga assistance ken paset iti komitment ti OCD-CAR ken Cordillera Regional Disaster Risk Reduction and Management Council (Cordillera RDRRMC) iti panangsuporta kadagiti local government units ken komunidad a naapektaran iti saan a nasayaat a paniempo.
