Agleppas ita nga aldaw ti Overseas Filipino Workers Reintegration Caravan Trade Fair and Bazaar idiay Igorot Park, Baguio City.
Immunan nga imbinglay ni Florence Sales, Officer 2 iti Overseas Workers Welfare Administration-Baguio nga adda iti agarup dua pulo nga stalls a naimuntar iti nasao a venue a pakaidisplay-an dagiti produkto nga ijiaya dagiti participating OFWs.
Naibinglay met ni Flordeliza Dumangeng, Reintegration Focal iti Overseas Workers Welfare Administration a panggep ti nasao nga aktibidad nga ad-adda pay nga itandudo dagiti produkto dagiti Overseas Filipino Workers pakairamanan ti nagduduma a klase iti taraon, wood products, ornamentals, ken daduma pay a produkto a naaramaid kadagiti lokal a kagawaan.
Kabayatanna, sigun kenni Dumangeng, panggepda a mangisayangkat iti kapada nga aktibidad wenno programa bayat ti 2025 Baguio Flower Festival apaman a maammoanda ti agbalin a feedback dagiti participating Overseas Filipino Workers.