Inkalintegan ni Ombudsman Jesus Crispin “Boying” Remulla ti immunan a dinakamatna ken panangibilang kenin sigud nga House Speaker Martin Romualdez kas ‘big fish’ ti flood control project anomalies.
Sigun kenkuana, daytoy ti umuna a gundaway a nairaman ti maysa a house speaker iti maysa a seryoso a krimen.
Innaklonna nga iti agdama, awanen ti nangatngato a posisyon nu house speaker a mabalin a maawagan iti big fish.
Nupay kasta, impanamnama ni Ombudsman Remulla nga ituloyda nga agimbestiga seknan iti nasao nga issue.
Mainaig iti dayta, impetteng ni Remulla a rumbeng a sangwen ti Romualdez dagiti kaso a naipila kontra kenkuana.
Mannarimaan a nakaconfine ni Remulla iti maysa a pribado a pagagasan kagidan iti panangsangona kadagiti kaso na iti Sandiganbayan.
Naituding met a maipasidung daytoy iti independent medical examination idiay University of the Philippines -Philippine General Hospital (UP-PGH) inton bigat ken agtalinaed metlaeng daytoy iti nasao a pagagasan bayat nga awan pay ti pinal a desisyon wenno bilin ti korte.
DENGGEN TI PASET TI PANNARITA NI OMBUDSMAN JESUS CRISPIN REMULLA:
