Inlawlawag ni Ombudsman Samuel Martires a saan a nasakit ti riknana iti Department of Justice (DOJ) gapu iti kinunana idi napalabas a rumbeng nga agtalna ti Department of Justice (DOJ) seknan iti panangimbestigarda iti mapapati a pangta ni Vice President Sara Duterte.
Sigun kenkuana, saanda a makilablaban iti Department of Justice, ken inaklonna a nasaktanda gaputa kasla maiturturong dagitoy nu ania ti aramidenda.
Maipalagip a kinuna gamin ni DOJ Undersecretary Jesse Andres nga adda ti otoridad ti Ombudsman a mangdisiplina ken mangimbestigar iti opisial ti gobierno a kas ti pangta ni Vice President Sara Duterte kontra kenni President Ferdinand Marcos Jr.
Impaganetget ni Martires a mabalinda a mangisayangkat ti imbestigasion nu ti pangta ket inaramid ni Duterte bayat ti panatakemna kas Vice President.
Dinakamat ni Martires a ti jurisdiction ti Ombudsman ket mangimbestigar kadagiti kaso a mainaig iti anti-graft practices ken amin a basol iti sidong ti revised penal code mainaig iti RA 3019 ken dagiti basol a naaramid mainaig iti opisina.
Impaakamo ni Andres a nakipagsarita daytoyen kenni Martires ken kinunana nga awan ti aniaman a parikut.
