Impakaamo ni Ombudsman Samuel Martires a mabalin nga “i-take over” wenno alaen ti opisinana ti imbestigasion nga ipatpatungpal ti National Bureau of Investigation ken ti maysa a komite ti House of Representatives maipapan kenni Vice President Sara Duterte no mariknana nga addan ti hurisdiksionna.
Daytoy ti kinunana kalpasan a kinuna ni Justice Undersecretary Jesse Andres nga adda ti pannakabalin ti Ombudsman a mangdisiplina ken mangimbesigar iti opisial ti gobierno seknan iti mapapati a pangta ni Vice President Sara Duterte kenni President Ferdinand “Bongbong” Marcos Jr.
Nupay kasta, inlawlawag ni Martires a sukimaten paylaeng ti Ombudsman dagiti mabalin a maimbestigaran.
Sigun kenni Martires,mangipatungpal laeng ti imbestigasion ti Ombudsman nu adda pangta nga inaramid ni Vice President Sara a nakalinya ti pagrebbenganna kas maysa nga opisial ti gobierno.
Dakdakamaten ni Martires ti Republic Act 6770 wenno ti Ombudsman Act of 1989.
Iti agdama, awan pay komento ni Andres ken ti Department of Justice.
