Manamnama nga agtestigo dagiti nagduduma nga ahensiya ti gobierno iti impeachment complaint kontra kenni VP Sara Duterte.
Sigun kenni Bicol Saro Party-list Rep Terry Ridon, karaman ditoy ti Ombudsman, SEC, NBI ken AMLC.
Malaksid iti dayta, pagpanpanunutan metlaeng dagitoy no mainayon ti BIR kadagiti agtestigo kontra iti bise presidente.
Patien ni Ridon a mangitunda iti convition ti saan a mailawlawag a kinabaknang da Vice President Sara ken ti asawana.
Nupay kasta, impetteng ti opisial nga ad-adda a mapabileg pay daytoy babaen ti panangipresenta iti dokumento manipud iti BIR.
Kabayatanna, posible a maaramid ti pinal a listaan dagiti agserbi a saksi ken ebidensia a maiparang kabayatan ti Senate impeachment trial kontra iti Bise Presidente intun Hunio.
