Inaprobaranen ni President Ferdinand Marcos Jr., ti one-time rice allowance para kadagiti amin a military ken uniformed personnel (MUPs).
Daytoy ket tapno mabigbig ti napateg nga akem dagitoy para iti panangipasigurado iti seguridad, kasta metten ti linak ken kappia iti pagilian a Pilipinas.
Iti sidong ti Administrative Order (AO) No. 26, maipaay ti 25 kilo a bagas kadagiti aktibo a personnels nga adda iti serbisyo manipud November 30,2024.
Panggep metlaeng daytoy a maipaayan dagiti adda iti sektor ti agrikultura iti economic opportunities.
Kabayatanna, dagiti karaman iti nasao a pammilin ket pakairamanan dagiti personnels iti Armed Forces of the Philippines (AFP), ken dagiti military personnel nga adda iti sidong ti Department of National Defense (DND).
Karaman metlaeng ditoy dagiti uniformed personnels manipud iti Philippine National Police (PNP), Bureau of Fire Protection (BFP), Bureau of Jail Management and Penology (BJMP), Philippine Public Safety College, Bureau of Corrections (BuCor), Philippine Coast Guard (PCG) ken National Mapping and Resource Information Authority.
Gapu iti dayta,naituding a mangrugi a maiwaras daytoy inton Disyembre, iti agdama a tawen agingga inton Marso, inton sumurono a tawen.
