Indeklara ni President Ferdinand Marcos Jr. ti one-year state of national calamity iti pagilian gapu iti Typhoon Tino, a dimmalapus iti Visayas island.
Naideklara daytoy babaen iti rekomendasion ti National Disaster Risk Reduction and Management Council (NDRRMC).
Iti sidong ti Proclamation No. 177, mabilin dagiti amin nga ahensia ti gobierno a mangisayangkat kadagiti agtultuloy, dagus a panagresponde ken critical recovery measures para kadagiti apektado a lugar, siguraduenda ti kinatalged ti komunidad ken dadduma pay.
Nabilin metlaeng dagiti amin a departamento ken dadduma pay a maseknan nga ahensia ti gobierno a makikoordinar, ken nayunanda ti pasilidad ken basic services kadagiti apektado a lugar.
Malaksid iti dayta, makitinnulong metlaeng dagitoy kadagiti pribado a sektor no kasapulan a maitunos kadagiti linteg ken pagannurotan.
