--Ads--
NEW YORK-Agtultuloy ti operasyon ti dua nga ospital sadiay New York kalpasan ti nurse strike a napasamak gapu iti reklamo maipapan iti sweldo, benefits ken promotion.
Iti interview ti Bombo radyo keni Bombo International News Correspondent Clarito De Francia sadiay New York kinuna na a natalna ti nasao nga rally.
Kinuna pay ni De Francia, a dawdawaten dagiti nars ti equal a salary, ken panangtrato kadagiti empleyado.
Maipalagip a kinuna ti New York State Nurses Association, dumanon iti nasurok 7,000 a nars ti nakipaset iti napasamak a nurse strike.
Kabayatanna, impeksa met ti agpada nga ospital ti panangipangato da iti sweldo iti 19.1% bayat a manglukat ti Montefiore Medical Center ti nasurok sangagasut a baro a nursing position.
