--Ads--
![](https://img.bomboradyo.com/baguio/2021/05/minas-cordillera-3.jpg)
BAGUIO CITY – Dakkel ti nagbalin nga epekto ti agdama a pandemya gapu iti COVID-19 iti sektor ti panagminas wenno iti operasyon ti minas iti rehion Cordillera.
Sigun kenni Engr. Alfredo Genetiano, dadaulo ti Mine Management Division ti MGB-Cordillera, kangrunaan a nakaapektar iti operasyon dagiti kompanya ti minas ti panakaipatungpal ti lockdowns kadagiti nagduduma a lugar iti rehiyon.
Innayonna a nakaapektar pay ti panagbaliw-baliw dagiti paglintegan kontra iti COVID-19.
Kinunana a nagresulta dagitoy iti panaka-apektar ti community market iti mineral production ti Cordillera.
Nupay kasta, dinakamatna a maibilang latta a napintas ti produksion dagiti mineral ditoy rehiyon no idilig idi 2019 ken idi napalabas a tawen 2020.