Nasuspindir ti operasyon ti Pangasinan Solid North Transit Inc. iti tallo pulo nga aldaw kalpasan ti napasamak a multiple- vehicle collision iti Subic-Clark-Tarlac Expressway (SCTEX) sadiay Tarlac City idi Mayo a uno iti agdama a tawen.
Ti operasyon ti nasao a bus company ket simmardeng kas maitunos iti direktiba ti Department of Trnasportation (DOTr).
Sigun iti bus company, amin dagiti booking request kadagitoy ket nakanselar bayat nga impeksa ti kompanya a makikaykaysada kadagiti amin a naapektaran ken impasiguradoda ti agtuloy ti panangipaayda iti tulong kadagiti amin a naapektaran a pasahero.
Kabayatanna, timmulong met laeng ti gobyerno ti Tarlac ken ti Department of Social Welfare and Development (DSWD) iti hospital bills ken funeral expenses dagiti biktima.
Maipalagip a lima a lugan ti naapektaran iti nasao nga aksidente a pakairamanan ti van, SUV, truck, ken bus.
Ti kaubingan a survivor iti daytoy ken agtawen iti dua bayat a ti kaubingan a pimmusay ket agtawen iti uppat.
