Impakaamo ni Transportation Secretary Vince Dizon a panggep dagiti otoridad a mangipila iti kaso iti operator ti taxi driver a nagsingir iti P1,260 a plete kadagiti pasaheros dagitoy.
Daytoy ket gapu ta natakuatan a dagiti amin a taxis nga imanmanehar ti nasao nga operator ket colorum.
Gapu iti dayta, mangipatulod ti Land Transportation Franchising and Regulatory Board iti show cause order ken daytoy ket makasoan kasta met a maipaayan iti penalty.
Malaksid iti dayta, posible pay a maikkat ti prangkisa ti Taxihub Transport.
Sigun kenni Dizon, ti prangkisa dagiti 15 a taxis iti nasao nga operator ket nag-expire idi pay laeng Marso iti agdama a tawen.
Maipalagip nga iti social media ket viral ti maysa a pablaak maipapan iti panagsingir ti maysa a taxi iti P1,260 a plete iti laksid a dumanon laeng iti 22 minutes ti tinaray ti taxi, manipud NAIA terminal 3 paturong iti terminal 2.
Napagnunumuan met dagiti pasahero ken ti drayber a ti bayadanada ket ti maipakita iti taxi meter nupay kasta idi agbayad dagitoy ket ti impakitana ket ti cellphone screenna a mangipakpakita iti nasurok sangagasut.
Gapu iti dayta, naklaat dagiti pasaheros gapu ta ti namnamaenda a bayadan ket agarup P500.
Ngem gapu ta agdadaras dagitoy ta mabalin a mabatida iti flightda ket binayadanda ti nasao a gatad.
