Manarimaan paylaeng ti panagberipikar ti Technical Working Group ti resulta ti Batang Pinoy 2025.
Indauloan ti sigud a four-time champion, ti siudad ti Baguio, ti partial ken unofficial results sipud idi Oktubre a trentay uno.
Maibasar iti medal tally, rank number 1 ti siudad nga addaan ti 70 gold, 53 silver ken 57 bronze medal a pakabuklan ti 180.
Amin a resulta ti agdama a national youth games ket maimatangan iti official website nu idilig idi napalabas a tawen a maimatangan iti printed result para iti tunggal ay-ayam gaputa ti Philippine Sports Commission (PSC) ket inadaptarda ti digital para iti modern era.
Iti nasao a resulta, indauloan ti siudad ti Baguio dagiti ay-ayam a combat sports ken archery nga indaulon ti quadruple-gold medalist archer Chass Mhavien Colas nga addaan ti uppat a balitok a medalya.
Kabayatanna, para met iti Pasig City a nagkampeon idi napalabas a tawen kontra ti Baguio a naangay idiay Palawan idi napalabas a tawen ket maikadua ti puestona nga addaan ti 67 gold, 44 silver ken 63 bronze medal bayat a ti Manila City ket addaan ti 43 a gold, 37 a silver ken 32 a bronze medal.
Ti met Davao City nga eksperto iti archery ket addaan ti 40 gold, 39 a silver ken 53 a bronze, ken simmaruno met ti Quezon nga addaan ti 29 gold, 33 silver ken 35 a bronze.
