Pinaglibakan ti opisina ni Vice President Sara Duterte a ti libro nga “Isang Kaibigan” ket naplagiarize wenno nakopya agsipud ta daytoy ket orihinal nga aramid ti bise presidente.
Sigun kenni Office of the Vice President spokesperson Michael Poa, ti nasao a libro ket addaan iti copyright registration ken nakarehistro idi Disyembre 2023.
Sigun kadagiti netizens, ti Isang kaibigan a libro ket maatap a kapadana ti graphic novel nga “Owly Just a Little Blue” nga insurat ni American author ken artist a ni Andy Runton.
Ti libro ni Duterte ket maipapan iti kwago a napukawan iti gayemna a billet kalpasan ti napasamak a bagyo.
Daytoy ket nailaunch idi November idi napalabas a tawen ken maiwarwaras daytoy a libre kadagiti pampubliko a pagadalan.
Maipalagip a nagbalin nga isyu ti nasao a libro kalpasan ti saan a panagkinaawatan da Senator Risa Hontiveros ken Duterte gapu iti panangibaga ni Duterte a politicizing ti panagdamag ni Hontiveros iti daytoy.
