Maipalpalagip kadagiti opisyales ken government workers a maiparit ti panag-uneg dagitoy iti City Council session hall no adda-da iti impluwensiya ti arak wenno anya pay nga intoxicating beverages.
Daytoy ket kalpasan a unanimous a naaprobaran ti resolution nga in-author ni Councilor Maria Mylen Yaranon.
Iti panakiuman ti Bombo Radyo kenni Yaranon, kinunana a dagiti opisyales ti rumbeng nga agbalin a modelo dagiti tattao no sadino maliklikan kuma ti panaglaaw-laaw wenno panagbully dagiti opisyales kadagiti daduma a tattao.
Malaksid iti dayta, gandat ti nasao a resolution ti nasayaat a salun-at para kadagiti opisyales ti siudad.
Sigun kenni Yaranon, saan laeng a para kadagiti opisyales ken government workers ti resolution no diket karaman dagiti bisita.
