--Ads--
BAGUIO CITY – Dinayaw ni Vice Mayor Toshio Ikemoto manipud Minamimaki, Nagano, Japan ti napintas a sisterhood ti La Trinidad, Benguet ken Japan iti sektor ti agrikultura.
Iti panagsarungkar ti opisial iti probinsia ti Benguet idi kalman, inladawanna a nagagaget ken naaanus dagiti mannalon nga agtataud sadiay La Trinidad.
Namnamaen ni Ikemoto nga agbayag ti exchange program ti dua a lugar tapnu adu dagiti baro a wagas a maadal dagiti mannalon ti probinsiya ti Benguet.
Makita iti rupa ti Japanese official ti kinaragsak daytoy kabayatan ti isasarungkarna sadiay La Trinidad.
Kinunana nga iti las-ud ti tallo nga aldaw a panagsarungkarna iti nasao a munisipio ket agrikos daytoy sadiay tapno makitana dagiti agriculture products ti lugar.
