BAGUIO CITY – Iyusuat ti Bureau of Fire Protection (BFP) sadiay La Trinidad, Benguet ti ‘Oplan Ligtas Sa Pamayanan’ a maysa a residential fire protection scheme para iti kinatalged dagiti babbalay ken dagiti komunidad sadiay.
Puntiryaen ti programa nga aksionan dagiti kangrunaan a rason iti itataud dagiti saan a makontrol nga insidente ti uram kadagiti babbalay sadiay.
Sigun kenni La Trinidad Municipal Fire Marshall Senior Inspector Francisco Copes, karaman kadagiti kangrunaan a paset ti oplan ket ti bayanihan program wenno ti panakabukel dagiti community fire auxiliary group wenno fire brigades kadagiti babbarangay.
Agturong met dagiti babbarangay dagiti bombero a maawagan ti ‘bumbero ng pamayanan’ ken marugian pay ti ‘house-to-house fire safety survey kadagiti lugar mabigbig a fire-prone areas sadiay La Trinidad.
