Panggep ti oposision ni Vice President Sara Duterte nga idanon kadagiti kalsada ken kadagiti pagadalan ti maipapan ti impeachment case a sangsanguen ni Vice President Sara, nu agtultuloy ti pannakataktak ti impeachment trial daytoy.
Bayat ti press briefing idi kalman, kinuna ni Bagong Alyansang Makabayan (Bayan) president Renato Reyes Jr. nga umno laeng ti pannakairaman dagiti umili iti diskusion gaputa dagitoy ti maapektaran a sektor gaputa ti topiko para iti impeachment ket pondo ti publiko.
Sigun kenni Reyes, ti impeachment ket saan nga isyu ti political dispute — nu diket maipapan daytoy iti saan a panagtagiragsak dagiti tattao iti benepisio dagiti confidential funds a mapapati a saan a nasayaat ti pannakaaramatna.
Itay laeng nabiit, nadumaduma nga organisasion ti nagurnong iti signature campaign a mangkidkiddaw iti Senado a maituloy ti proseso ti impeachment.
Manipod idi Martes, addan ti naalada a 204 a nagpirma iti petision — agraman ti 22 religious leaders, 34 academics ken professors, ken 55 student leaders manipod iti nagduduma nga unibersidad.
Nupay kasta, naikeddeng a ti pannakaibasa iti Articles of Impeachment iti Senado ket inton July 11, 2025, sigun kenni Senate President Francis Escudero.
