--Ads--
BAGUIO CITY – Agtultuloy a naka-blue alert ti status ti operations center ti Office of the Civil Defense (OCD) – Cordillera ken ti Cordillera Regional DRRM Council gapu iti mapaspasaran a panagtudo nga ituntunda ti habagat.
Sigun kenni OCD-Cordillera regional director ken Cordillera RDRRMC chair Albert Mogul, iti sidong ti blue alert status ket isagsaganada dagiti local DRRM Councils para iti panangisagana dagitoy kadagiti umili iti isasangbay ti aniaman a kalamidad.
Kinunana a binallaagandan dagiti amin a Provincial DRRM Councils.
Innayonna a naka-aramidan kadagiti contingency plans kas panagsagana iti agbalin nga epekto ti habagat iti rehiyon. (-with Bombo Maureen Bassit)
