Awan paylaeng ti ordinansa a nabukel iti siyudad ti Baguio seknan iti squatting, sigun kenni Atty. Benny Bomogao.
Nupay kasta, mabalin latta a maireklamo ti maysa nga indibidual a mangipatpatungpal iti squatting activity a kas ti trespassing, userpation of real property iti sidong ti revised penal code, ken panangipasdek nga awanan ti permit iti sidong ti national building code.
Iti panakiuman ti Bombo Radyo kenni Bomogao, kinunana a saan a kas karina a mademolish ti maysa nga estruktura a naipasdek iti saan a rumbeng a pakaipasdekanna.
Innayonna pay a nu ti maysa nga estruktura ket naipasdek iti igid ti kalsada wenno road right of way, asideg iti karayan, watershed, ken dadduma pay ket mabalin nga adda ti summary of demolition a maipatungpal.
