BAGUIO CITY–Saan nga obligado nga agbayad iti parking fees dagiti Senior citizens, ken persons with disabilities (PWDs) ditoy ti siudad ti Baguio.
Daytoy ket kalpasan nga inaprobaran ti konseho ti siudad ti ordinansa iti saan a panakainayon dagiti senior citizen ken PWDs kadagiti mabayadan iti parking fees iti umuna a talo nga oras a panagparada dagitoy kadagiti amin nga business establishments ditoy siyudad.
Nailanad iti pammilin a karaman iti linteg dagiti amin a residente ken saan a residente iti siudad la ketdi dagitoy ket miyembro ti senior Citizens ken PWDs nga agturturong ditoy lokalidad.
Nasken laeng nga iparang dagiit maseknan ti valid government ID wennu ti senior citizen ID ken PWD IDs dagitoy kadagiti otoridad.
Nakalanad pay iti nasao nga ordinansa a talo nga oras laeng ti maipaay a libre iti panagparada dagitoy no sadino kalpasan ti tallo nga oras ket nasken nga agbayad dagitoy iti parking fees.
