BAGUIO CITY – Naaprubaran iti maudi ken maikatlo a panakaibasa ti Baguio City COuncil ti ordinansa a mangipaay ti insentibo kadagiti amin nga business establishments nga agala iti empleyado a kwalipikado nga senior citizens ken persons with disabilities (PWDs).
Sigun iti Ordinance No 39-22, maipaay ti insentibo babaen ti deduction manipod iti gross sales receipt ti establishmento a katukad ti 50% a pakabuklan ti baybayadanda kas sweldo para iti personal services dagiti senior citizens ken PWDs wenno iti aniaman nga porsiento ti tax deduction a mabalin nga irekomendar ti Local Finance Committee.
Panggep met ti ordinansa a maguyuguy ti employement kadagiti senior citizens ken PWDs a kabaelan ken kayatda pay nga agtrabaho ken kasukatna ditoy ti panangipaay ti tax incentives kadagiti employers nga agala wenno aghire kadagitoy.
Tapnu makwalipika uiti nasao nga insentibo, nasken nga addaan ti business establishments iti maysa wenno nasursurok pay nga senior citizen wenno PWD worker nga empleyado iti agarup innem a bulan, addaan iti sweldo a maitunos iti minimum wage ken agtrab-trabaho iti uppat nga oras iti uneg ti 4 working days tunggal lawas, saan nga sakopen ti Labor Code ti benepisyo ken employement dagitoy ken saanda nga kabagyan agingga iti third consanguinity ti agtagikua iti establishimento.
Naipatuloden ti ordinansa iti opisina ti mayor para iti panakapirmana sakbay nga agepektibo daytoy.
