BAGUIO CITY – Isaksakad ti Department of Transportation (DOTr) – Cordillera ti pannakaipatungpal ti orientation ken dayalogo a kiddaw dagiti operator ken driver ti jeep ditoy lokalidad.
Mainaig pay laeng daytoy iti implementasyon ti jeepney modernization program ti gobyerno.
Sigun kenni DOTr – Cordillera regional director Atty. Jose Eduardo Natividad, posible a maipatungpal ti pannakipatang dagiti jeepney operators ken drivers kadagiti opisial ti LTFRB – Central Office inton Pebrero 14.
Namnamaenna a babaen iti nasao a dayalogo ket malawlawagan ti pakaseknan ken arungaing ti transport sector iti jeepney modernization program.
Kabayatanna, kinuna ni Natividad nga agingga ita ket ur-urayen ti DOTr-Cordillera ti panangisumitir dagiti jeepney operators ken drivers iti petisyon para iti panggep a pannakaipangato ti minimum a plete kadagiti jeep ditoy rehion.
