Napasamak iti maysa a vehicular traffic incident itay kanikadia idiay Upper Magsaysay Avenue, Baguio City a nagresulta iti physical injury ken damage to property.
Ti nasao nga aksidente ket nairamanan ti maysa nga Isuzu Elf Delivery van nga imanmanehar ti maysa a lalaki nga agtawen iti 31 ken residente ti Malinta, Valenzuela City.
Naglaon iti nasao a lugan kadagiti kagawaan iti maysa a nalatak nga establisiemento.
Sigun iti imbestigasyon, bayat nga agdaldalyatas daytoy iti pababa a paset iti General Luna Road paturong idiay Cedar Peak, Upper Mabini, Baguio City, nakapasar daytoy iti mechanical defect wenno na loose break daytoy.
Gapu iti daytoy, naawanan metten ti driver iti control ken naidungpar iti center road Barrier iti Upper Magsaysay Avenue.
Gapu iti napasamak, nakapasar iti injuries ti lalaki ken dagus naitaray iti ospital para iti pannakataming daytoy.
Kasta met a nagsagrap ti lugan iti damage nga iti agdama ken manarimaan nga imimbestigaran ti otoridad.
Gapu iti daytoy, nagpalagip manen ti otoridad kadagiti motorista nangruna iti panagbalin nga alerto nangruna kadagiti dalan a saanda unay a kabisado.
Kasta met nga impalagipda iti kanayon a panagcheck kadagiti lugan ken kasta metten kondisyon iti bukodda a bagi no bayat iti panagbyahe. // via Bombo Khey Reparip
