Agtultuloy ti inaldaw ken rinabii a protesta idiay Israel, a nakipasetan dagiti pamilia ti Israeli a kawtibo ti Hamas sadiay Gaza.
Sigun kenni Rex Marcelo Merino, Bombo International Correspondents idiay Jerusalem, kidkiddawen dagiti pamilia ti nakawtibo a maaddaan ti negosasion ti Isarael ken ti Hamas, tapno mawaya-wayaan dagiti kabagian dagitoy.
Nupay kasta, agduadua ti Isarael a mangipaay iti kiddawda, iti posible nga umado ti krimen agsipudta kasurakat daytoy ti panangipalubosda kadagiti balod a Hamas kas sukat dagiti hostage nga Israeli.
Sigun pay kenni Merino, dumanon iti sangagasut tallopulo ket tallo dagiti hostaage ti Hamas iti maika-dua gasut innem nga aldaw a giyera iti nagbaetan ti Israel ken Hamas sadiay gaza.
Kabayatanna, impaganetget ni Merino a nasayaat ti kasasaad dagiti Overseas Filipino Workers sadiay, partikular iti Jerusalem ken Til Aviv iti baet ti napasamak a panangbomba dagiti Hamas itay nabiit ken ti mapaspasamak a giyera iti nagbaetan ti dua a nasion.//mp4
