Inwaragawag ni Chief Police General Nicolas Torre III a maikkat iti serbisyo dagiti Overweight Police Officers a saan a makabawas ti timbang iti makatawen.
Maibasar iti Section 30 ti Republic Act No. 6975 wenno ti Department of the Interior and Local Government Act of 1990.
Kinuna ni Torre a karaman kadagiti general qualifications para iti pannakadutok kas opisial wenno kameng ti PNP ket masapul nga agdagsen iti saan a nasursurok wenno nababbaba ngem lima a kilo ti standard weight a katupag ti katayag, edad, ken seksualidad daytoy.
Inlawlawag ni Torre nga iti sidong ti regulasyon ti PNP, maipaayan iti innem a bulan agingga maysa a tawen dagiti Overweight Police Officers nga agbawas iti timbang.
Innayon ti nasao nga opisial a sumango iti “complete disability discharge wenno maiyakar iti administrative work dagiti Overweight Police Officers nga addaan iti medical conditions.
Maipalagip nga immuna nga imbilin ti nasao a PNP Chief a kadagiti police officers nga imintinerda ti physical fitness agsipudta makaapektar daytoy iti promosionda ken mangipakita iti disiplina ti nasao nga ahensia iti publiko.
