BAGUIO CITY – Dumanon iti 200,000 a Displaced Workers ditoy rehion Cordillera ti manamnama nga agbalin a benepisario ti Tulong Panghanapbuhay sa Ating Disadvantaged (TUPAD program) ti Department of Labor and Employment (DOLE) para ita agdama a tawen.
Sigun kenni DOLE Cordillera Regional Director Nathaniel Lacambra, dumanon iti P1.2 billion ti pundo a nailatang para iti daytoy.
Kinunana a naikaipalusposda iti nasurok P94.7 milyon pesos a pondo para kadagiti 17, 464 a benibisyaryo iti umuna a kwarter ti agdama a tawen
Dinakamatna a dumanon iti P840,248,000 ti pondo ti TUPAD a naipaay kadagiti 141,709 a displaced workers iti intero a rehion idi napalabas a tawen
Kabayatanna, namingsan manen nga inlawlawagna ada ti pagalagadan a masursurot iti nasao a programa.
Inlawlawagna a saan nga amin ket kwalipikado nangruna kadagiti barangay officials, barangay health workers, tanod, miembro ti 4Ps ken dagiti senior citizens a makaaw -awat ti tulong manipod kadagiti dadduma nga ahensia ti gobierno.
Innayunna a mabalin a maikan wenno ma-qualify manen dagiti siguden a benepisario idi naglabas a tawen nu dagitoy ket ada paylaeng iti category ti displace ken disadvantaged worker.
Mainaig iti dayta, kinunana a kadagiti addaan iti saludsod ken pakaseknan maipanggep iti nasao programa ket mabalinda nga agturong iti field offices ti DOLE iti lugar dagitoy.
