--Ads--
BAGUIO CITY – Dinadael dagiti otoridad dagiti marijuana plants nga aggatad ti P1.56-M iti agtultuloy a nairtengan a kampanya kontra iti iligal a droga iti nagsina a disso sadiay Badeo, Kibungan, Benguet idi kanikadua.
Maibasar iti report, nadiskobre sadiay Sitio Napitak ti 12 a kilo ti naabandona a napagango a pinuon ti marijuana.
Pinarut met dagiti otoridad ti 600 a dadakkel a pinuon ti marijuana a naimula iti paset ti communal forest iti Sitio Lower Naptong.
Inuram dagiti otoridad amin dagiti naparut ken nadiskobre a marijuana plants bayat a manarimaan ti imbestigasyon tapnu mabigbig dagiti agtagikua kadagiti nasao a pagmulaan.
