KALINGA- Nakumpiskar ti P1.9 million a gatad ti marijuana iti maysa nga indibidual bayat ti naisayangkat a marijuana checkpoint, idiay Sitio Dinakan, Dangoy, Lubuagan, Kalinga.
Maibasar iti report, pinara dagiti operatiba ti yellow passenger jeepney bayat ti insayangkat dagitoy a checkpoint, no sadino ditoy da a natakuatan ti dua a bag a naglaon ti marijuana bricks.
Naballigi daytoy babaen ti nagtipon a pwersa dagiti operatiba manipud Second Kalinga Provincial Mobile Force Company, Lubuagan Municipal Police Station, Provincial Intelligence Unit/Drug Enforcement Unit (PIU) PDEU) ken dadduma pay a yunit sadiay.
Iti agdama, sumangsango itan ti suspek iti kaso gapu iti panaglabsingna iti Republic Act 4136 ken Republic Act 9165 wenno Comprehensive Dangerous Drugs Act of 2002.
