Impablaak ti Department of Budget and Management (DBM) a naaprobaranen ti pannakairuar ti P1 billion a pondo para iti pannakaipasdek dagiti child development centers (CDCs) kadagiti lokal nga income localities iti intero a pagilian.
Naipablaak daytoy kalpasan ti ceremonial signing ti joint circular seknan iti pannakaibangon ti child development centers (CDCs) iti nagbaetan ti Department of Education (DepEd) ken ti Department of Budget and Management (DBM) iti Malakanyang itay kanikadua.
Sigun kenni President Ferdinand Marcos Jr., babaen ti child development centers, maaddaan ti nasayaat a pundasyon dagiti ubbing a mangpatibker iti pundasyon ti Pilipinas.
Impasigurado ni President Marcos a maipaayan ti 328 low-income local government units iti pondo para iti pannakaimplentar ti early childhood care initiatives iti agdama a tawen.
Iti nasao a bilang, 89 ket manipod Luzon, 106 idiay Visayas, ken 133 idiay Mindanao, agraman ti Bangsamoro Region.
Kabayatanna, dagiti benepisiario manipud kadagiti nababa ti matgedanna nga LGU ket nailasin ken na-validate ti DepEd maibasar iti naduktalanna iti Second Congressional Commission on Education Year 2 Report.
