Indiaya iti Department of Justice (DOJ) ti P1 Million a gungguna para kadagiti makaipaay iti lokasion ni Cassandra Li Ong a representative iti Philippine Offshore Gaming Operator hub Lucky South 99.
Sigun kenni DOJ Acting Secretary Fredderick Vida, ipaayda ti nasao a gatad kadagiti indibidual a mapagtalkan a makaipaay iti actionable information a mangitunda iti pannakaarestar ni Ong.
Inwaragawag daytoy ni Vida kalpasan nga imbilin ti Pasig City Regional Trial Court (RTC) ti pannakakansenlar ti pasaporte ni Ong.
Innaklon ti nasao nga opisial a saan a maibaga ti DOJ no adda paylaeng ni Ong iti pagilian wenno imikkat gaputa, marigatan dagitoy a mangsurot iti garawna.