--Ads--
KIBUNGAN, BENGUET – Pinarut ken inuram dagiti otoridad ti P1 million ti gatadna a marijuana idiay Sitio Ine-eng, Tacadang, Kibungan, Benguet itay nabiit.
Agarup lima gasut a puon ti marijuana ti naimula iti 1,000 metro ti kalawana a plantasyon.
Naduktalan dagiti iligal a mula babaen iti operasyon ti Kibungan Municipal Police Station, personnel ti PDEU/ PIU, Benguet PPO, RID, PRO-CAR ken PDEA- CAR.
Agtultuloy met ti apela dagiti otoridad iti publiko nga isardengdan ti panagmula, panagilako ken panagaramat kadagiti iligal a droga gapu ta nakalanad iti Republic Act 9165 a maiparit daytoy ken addaan iti kaskenan a pannusa.
