Inyunay-unay ti Department of Education (DepEd) nga awan ti kinaagpaysuanna ti agwarwaras iti social media seknan iti P1,000 monthly allowance dagiti amin nga estudiante.
Malaksid iti dayta, kinuna pay ti nasao nga ahensia a palso a damag a maipasidong iti Alcohol test iti linawas dagiti junior ken senior high school (SHS) students.
Gapu iti dayta, nagpalagep manen ti Department of Education iti publiko nga agannad dagitoy kadagiti impormasyon iti social media.
Binalakadan metlang ti nasao nga ahensia ti publiko a kanayon a bisitaenda ti opisial a social media accounts ti DepEd para iti lehitimo nga impormasion.
Maipalagip nga idi laeng napalabas a lawas nga insubmitir ni Batangas Rep. Leandro Leviste ti House Bill 27.
Panggep daytoy a maipaayan iti P1,000 monthly allowance dagiti estudiante para iti student’s food, transportation ken school supplies expenses dagitoy.
