BAGUIO CITY – Nadiskobre ti nagtipon a pwersa ti Kibungan Municipal Police Station, Benguet Police Provincial Office, ken RIU-14 ti uppat a marijuana plantation sites sadiay Barangay Badeo, Kibungan, Benguet idi malem kalman.
Pakabuklan a 480 a puon ti fully grown marijuana plants ken 250 a marijuana seedlings ti pinarut dagiti otoridad iti public land a maikonsidera kas communal forest nga addaan kalawa a 150 sqm nga aggatad iti P106-K.
Iti umuna a plantation site nga addaan kalawa a 20 sqm, pinarut dagiti otoridad ti 60 a puon ti fully grown marijuana plants nga aggatad iti P12-K.
Iti maika-dua a plantation site nga addaan kalawa a 30 sqm, pinarut dagiti otoridad ti 250 a puon nga aggatad iti P24-K.
Iti met maikatlo a plantation site nga addaan kalawa a 50 sqm, pinarut dagiti otoridad ti 250 a puon nga aggatad iti P10-K.
Naparut pay ti 300 a puon ti marijuana plants iti 50 sqm ti kalawana a pagmulaan nga aggatad iti P60-K.
Amin dagiti marijuana plants ket nauram metlaeng iti plantation sites.
Agtultuloy met ti imbestigasyon dagiti otoridad tapno mabigbig dagiti akin mula kadagitoy.
