Kinompirmar ni Justice Acting Secretary Fredderick Vida nga insubli ni sigud a Bulacan first district engineer Henry Alcantara ti agarup P110 Million, manipud kadagiti flood control corruption scandal.
Naisubli daytoy babaen iti abogado ni Alcantara.
Sigun kenni Vida, ti cash turnover ket paset ti restitution.
Innayon daytoy a ti inarmid ni Alcantara ket karaman kadagiti kondision tapno mapili kas ‘state witness’.
Nupay kasta, impetteng ni Vida a saan a dagus nga agbalin nga state witness ni Alcantra iti baet ti inaramidna a panangisubli iti kuarta.
Kabayatanna, naimatangan metlaeng dagiti kameng ti Bureau of Treasury ken Land Bank of the Philippines ti pannakaisubli ti P110 Million tapno mapaneknekan ti gatad daytoy.
Iberipikar paylaeng dagiti nasao nga ahensia nu pudno metlang a kaurta ti inturn-over ni Alcantara.
