BAGUIO CITY – Dumanonen iti P132 million ti nailista nga inisyal a dadael iti probinsia ti Kalinga kalpasan ti Bagyo a Ulysses.
Sigun ken ni Kalinga Provincial Information Officer Dionisia Mercado, P111 million ti dadael iti imprastraktura bayat nga P21.29 million ti danyos iti agrikultura.
Kinunana a dumanon met iti 209 a pamilya wenno 1,149 nga indibidual ti naapektaran.
Nailista met ti 75 a bilang dagiti babbalay a partially damaged ken 125 a pamilia wenno 410 nga indibidual dagiti nagbakwit.
Napukawan met iti kuryente ti probinsia idi November 13 agingga 16 gapu iti naapektaran nga transmission lines kalpasan ti panaglayus sadiay Cagayan.