BAGUIO CITY – Nakemmeg ti maysa a HVI iti PNP Database a ni a.k.a Glad maysa a chef ken agdama a residente ti Brgy Alfonso, Tabora, Baguio City babaen ti naipatungpal a drug buy-bust operation sadiay Loakan Access Road, Laokan Proper, Baguio City idi rabii.
Nakumpiskar manipud ti suspek ti maysa a piraso ti heat-sealed transparent plastic sachet a naglaon ti maatap a shabu nga adaan timbang nga agarup sangapulo a gramo ken SDP a P68,000.00. (Subject of sale)
Kabayatanna, iti panagkapkap dagiti operatiba iti suspek, nasamsam ti dua a piraso ti maatap a dried marijuana leaves, maysa ditoy ket in a rectangular shape bayat a ti maysa a piraso ket in a tubular shape nga adaan ti pakabuklan a timbang a 600grams ken SDP a P72,000.00
Malaksid ti dayta, ket nakumpiska manipud kenkuana ti maysa a puraso tj genuine Five-Hundred-Peso (PhP500.00) bill a buy-bust money; 55 a piraso ti fake Five-Hundred-Peso (500) bills naaramat kas Boodle Money; maysa a sling bag; selpon; wallet ken ti driver’s license identification card ti suspek.
Balligi ti nasao nga operasyon babaen ti panangidaulo iti kameng ti PNP Drug Enforcement Group Special Operations Unit Cordillera Adminsitrative region ( PNP DEG SOUCAR); kadwada ti Baguio City Police Office Police Station 4 (BCPO PS 4); City Drug Enforcement Unit (CDEU) Baguio City; Region Inteligence Unit-14; Philippine Drug Enforcement Agency CAR Baguio-Benguet Provincial Office (PDEA CAR); PNP-AVSEGROUP Baguio City; Regional Police Drug Enforcement Unit (RPDEU) Police Regional Office CAR; ken ti Philippine Drug Enforcement Agency Land Transportation Interdiction Unit (PDEA LTIU RSET Bravo).
Kabayatanna, ti suspek ken dagiti nakumpiska a non-drug evidence ket adan ti kustodiya ti PNPDEG SOU CAR office sadiay Camp Major Bado Dangwa, La Trinidad, Benguet para ti umno a dokumentadyon ken disposisyon.
Bayat a dagiti nakumpiksa a drug evidence ket naitrunovee iti Philippine Drug Enforcement Agency Regional Office CAR (PDEA ROCAR) sadiay Camp Major Bado Dangwa, La Trinidad, Benguet para ti Qualitative Examination.
Sumango met ti kaso a panglabsing ti RA 9165 ti nasao a suspek. //Bombo Noveh Organo
