Impeksa ti Department of Social Welfare and Development (DSWD) ti panagyaman dagitoy iti P16 Million cash Donation nga ipaay ni Philippine National Police (PNP) chief Gen. Nicolas Torre III manipud iti gunggonana iti ‘Boxing for a Cause: Laban sa Nasalanta’ iti Rizal Memorial Coliseum sadiay Manila.
Nangabak ni Gen. Torre by default kalpasan a saan a nagparang ti kalabanna a ni Acting Davao City Mayor Sebastian “Baste” Duterte.
Sigun iti pannakangiwat ti Department of Social Welfare and Development ken Assistant Secretary Irene Dumlao, dakkel ti panagyamanda iti Philippine National Police kasta met kenni Gen. Torre.
Innayon ni Dumlao a dakkel ti maitulong daytoy kadagiti minilion a Pilipino a naapektaran iti ‘habagat’.
Maipalagip a nakakolektar ti PNP iti agarup P300,000 manipud iti entrance fee ken donasyon nga agarup P16 Million manipud met iti “Boxing for a Cause” a nangabakan ti Chief ti PNP.
Maipaima iti DSWD ti nasao a gatad ti donasyon ita a lawas.
