--Ads--
BAGUIO CITY – Im-imbestigaran ita ti pulisya ti panakatakaw ti dumanon P174,000 a gatad ti nagduduma a gameng ti maysa nga empleyado ti gobyerno manipud iti pagab-abanganna sadiay Tuding, Itogon, Benguet.
Nabigbig ti biktima a ni Kiethly Pio, 46-anyos, naasawaan, empleyado ti DPWH ken agab-abang iti nasao a lugar.
Maibasar iti report, dinadael dagiti saan pay a nabigbig a suspek ti padlock ti ridaw ti balay.
Naitaray dagiti agtatakaw ti maysa a flat screen TV nga aggatad ti P15,000; dua a laptap nga aggatad ti P132,000; maysa a computer CPU nga aggatad ti P13,000; nagduduma nga alahas nga aggatad ti P8,000; maysa a tablet nga aggatad ti P5,000 ken cash a P1,000.
