Inakusahan ni dating senador Antonio “Sonny” Trillanes IV ang pamilya Duterte na umano’y nakatanggap ng kabuuang ₱181 milyon mula kay Davao-based businessman Sammy Uy mula 2011 hanggang 2013.
Batay sa mga dokumentong ipinrisinta ni Trillanes, ₱22 milyon umano ang napunta kay Vice President Sara Duterte sa pamamagitan ng manager’s check.
Ayon pa kay Trillanes, nakatanggap din umano ng ₱51 milyon si Davao City Mayor Sebastian “Baste” Duterte at ₱38 milyon naman kay Davao 1st District Rep. Paolo “Pulong” Duterte.
Ipinahayag din ni Trillanes na may iba pang halagang natanggap umano sina dating Pangulong Rodrigo Duterte, Veronica “Kitty” Duterte, at Honeylet Avanceña.
Iniuugnay ni Trillanes si Uy sa ilegal na droga at iginiit na ang mga umano’y transaksyon ay bahagi ng kanyang alegasyon hinggil sa “narco-politics.”
“‘Yung narco-politics na sinasabi ni Digong, siya ’yon. Siya ’yung unang produkto ng mga kartel na ginawang presidente ng Pilipinas,” ani Trillanes.
