BAGUIO CITY – Dinadael dagiti operatiba ti pulisya ken PDEA ti rinibribo a pinuon ti marijuana iti insayangkatda nga eradication operation sadiay Buscalan, Tinglayan, Kalinga idi kanikadua agingga ita nga aldaw.
Maibasar iti report ti PDEA-Cordillera, dumanon iti agarup nasurok 10,800 a pinuon ti marijuana ti nadiskobre dagiti operatiba manipud iti lote nga addaan kalawa nga agarup nasurok 1,800 metro kwadrado.
Pinarut ken inuramda dagiti nasao nga iligal a mula nga aggatad ti mapattapatta a P2.16-M.
Nupay kasta, awan ti natiliw a marijuana cultivator kabayatan ti operasyon.
Naisayangkat ti tallo nga aldaw nga operasyon iti sidong ti PNP OPLAN 01 Alpha Giggle Smoke ken iti Barangay Drug Clearing Program ti PDEA.