--Ads--
BAGUIO CITY – Pinarut ken inuram dagiti otoridad dagiti pinuon ti marijuana nga aggatad ti P2.206-M iti eradication operation dagitoy kadagiti kabambantayan ti Kibungan, Benguet idi kanikadua.
Nadiskobre ti nasurok 11,00 a pinuon ti fully-grown marijuana iti tallo a disso iti agkaabay a barangay sadiay Kibungan ken addaan pakabuklan a kalawa a 2,000 metro kwadrado.
Immuna a nadiskobre sadiay Sitio Basi, Barangay Tacadang ti agarup nasurok 5,000 a pinuon ti marijuana.
Simmauno a nadiskobre sadiay Sitio Legab ken Sitio Botbot iti Barangay Kayapa ti nasurok 6,000 a pinuon ti marijuana.
Nauram amin a naparut a pinuon ti marijuana malaksid kadagiti samples a naala nga agserbi nga ebidensia.
