Dumanon iti P248,200 ti pakabuklan a gatad ti nakumpiskar a maatap a shabu manipud iti pagtaengan wenno pagdag-dagusan ti uppat nga indibidual iti naipatungpal a Search warrant sadiay Middle Rock Quarry, Baguio City idi March 23, 2026.
Nabigbig dagiti suspek nga agtawen iti 31, maysa a babae ken market vendor, separated; 35 years old a lalaki, maysa a hairstylist single ken residente ti Cypress Irisan Baguio city; 25 years old a lalaki maysa a vendor, single ken residente iti Camp 6, Kennon road, Baguio city ken ti agtawen iti 36 a lalaki, maysa a construction worker, single ken residente ti Victor Cariño Street, Middle Rock Quarry, Baguio City.
Amin dagiti suspek ket agpapada nga Street Level Individual (SLI).
Nakompiskar manipud kadagiti suspek ti 15 a pidaso ti heat sealed transparent plastic sachet a naglaon iti shabu.
Nailemmeng daytoy iti kadagiti “used diapers” a naikabil iti basuraan.
Adaan daytoy ti timbang a 14.6 gramo ken adaan ti Standard Drug Price a P99,280.00
Malaksid iti dayta, nakompiskar metlaeng ti weighing scale ken lighter.
Kabayatanna, nadiskobre manen ti dakkel a pidaso ti heat sealed transparent sachet a naglaon iti maatap a shabu manipud iti masya a kuarto.
Agdagsen daytoy iti 21.9 a gramo ti maatap a shabu nga addaan iti Standard Drug price a P148,920.00.
Malaksid iti dayta, nakopiskar metlaeng manipud iti kapada a kuarto ti improvised lighter attached with rolled foil; maysa a rolled foil with residue; maysa a semifolded foil.
Sigun kadagiti otoridad, dumanon iti agarup 36.5 a gramo ti pakabuklan ti maatap a shabu ti nakompiskar manipud iti pagnanaedan dagiti uppat a suspek.
Kabayatanna, naduktalan metlaeng dagiti otoridad a sumagmamano kadagiti natiliw a suspek ket sigud a naarestar iti kapada metlaeng a kaso.
Balligi ti operasyon babaen iti nagtipon a pwersa dagiti operatiba manipud iti Regional Police Drug Enforcement Unit of the Police Regional Office – Cordillera Administrative Region (lead unit), egional Investigation and Detective Management Division ti Police Regional Office Cordillera , Baguio CIty Police Offie Police Station 5 ken dadduma pay a maseknan nga otoridad.
Dagiti suspek ket sumango ti kaso a panaglabsing ti Sec.11 ken Sec.12 ti RA. 9165.//via Bombo Noveh Organo
