BAGUIO CITY – Nakaawat ti siudad ti Baguio iti P255 million para iti socialized housing project.
Gapu iti dayta, maibilbilang ita ti syudad kas kaunaan a lokal a gobierno iti northern Luzon a nakaala iti pondo manipod iti gobierno para iti pannakaipatungpal ti housing project.
Sigun ken City Planning and Development Coordinator Arch. Dona Tabangin, nagtaud ti pondo iti Department of Human Settlements and Urban Development (DHSUD) ken maaramat daytoy para iti pannakaipatakder dagiti istraktura iti siudad.
Kinunana a dumanon iti 8 nga istraktura a maka-akomodar iti 270 socialized housing units nga addaan iti bio-filtration plant ken solar farms iti bubong dagitoy.
Innayonna a maipatungpal daytoy a proyekto babaen iti pannakibinnadangda iti DHSUD ken National Housing Authority (NHA).
