BAGUIO CITY–Dumanon iti 100 nga hog raisers ti probinsiya ti Ifugao ti nagnumar iti agarup P4-M nga indemnification fund nga impaluspos ti Department of Agriculture- Cordillera itay laeng nabiit.
Naipaay kadagiti maseknan a mannalon ti nasao a pondo babaen iti DA Administrative Order No. 14 Series of 2019 a manggarantiya kadagiti naapektaran iti African Swine Fever (ASF).
Maysa metlaeng daytoy a kompensasyon iti dakkel a pukaw dagiti hog raisers partikular sadiay Lagawe, Asipulo, Hingyon, Kiangan ken Banaue a nakatayan ti nasurok 700 a baboy manipud Enero agingga Pebrero ti agdama a tawen.
Pinagyamanan met ti lokal a gobierno ti Ifugao dagiti maseknan nga opisina ken ahensia iti naawatda a kompensasyon para kadagiti mannalon.
Ado met dagiti hog raisers ti naragsakan iti naipaay kadakuada a tulong nangruna ita a panawen ti krisis.
